Интервью


pict00004Эркезке белли ки, миллетимиз 280 йылдан берли Ватан меселеси ичюн чекишип хорлана. Бизлерни сюргюн эттилер. Атта, бизим Къырым халкъымызнынъ сайысы чет мемлекетлерде  5-6 миллионгъа еткендир

. Амма, бундан огюне, Совет укюмети келип, бизлерге айын оюнлар яптылар. Сунъий ачлыкъны (искусственный  голод) да корьдик, ондан сонъ, сюргюнликлер ве халкънынъ бир-бирине душман этильгенини яшадыкъ. Бу чешит тюрлю арекетлерге не десек? Ислямгъа къаршы япылгъан шейлер бу. Айрыджа къырымтатар халкъына дегиль де, бутюн Ислям алемине къаршы олгъан уджумлар. 1924 йылларында Англия ве даа бир къач имансызлар укуметлери къошулып, мусульманларнынъ ичине агентлерни ёллап, Халифеликни ёкъ еттилер. Ве Ислям вилаятларыны, «Разделяй и властвуй!» деген девизи астында 40-50 девлетлерге больдилер. Къырымгъа пек буюк душманлыкъ яптылар. Алимлеримизни биле, гемилерге юклеп денъизге батырдылар.  Диний ильми олгъанларны: «Бу халкъ душманы! Диний ёлнен алдаталар сизни», - деп, сюргюн этмек ичюн амель къылдылар. Баремки бизим къартбаба Аджы Адыл эфенди Коккозьлюни 37 сенеси аттылар. Агъа къардашларындан, Исмаил эфенди муэдзин эди, къойге имамлыкъ япкъан, аттылар. Къырым мусульманларына къаршы ойле вакъиалар пек чокъ олды. Къартбабам чалышкъан джамининъ минаресини йыкъмакъ ичюн бабамнынъ янына кельдилер. Наразы олгъаны ичюн къуршунгъа алынма къарары берильди. Онынъ хабери ёкъ эди… О заманлары «Тройка» деген  бир шайка булунгъан. Олар не десе, сёзлери кечерли эди. Оларнынъ лафыны бабамнынъ досту эшитип бабама айтты. Гедже, чаресизликтен къачып кеттилер. Бизлер Керчте яшадыкъ. Дженк вакъытында да анда олдыкъ. Ондан сонъ Къарасу районындан сюргюнликке оградыкъ.

Бу джамининъ минаресини йыкъмакъ меселесинде озюмизнинъ халкъымыздан «мен йыкъарым оны» деген  комсомол сойлары чыкъып бузаджакъ олды, амма Аллах оны о ерде де бойнундан ургъан. Динге хыянетлик япкъан адам ич бир вакъыт джезасыз къалмай. Яхшы олюмнен де ольмей. Онынъ ичюн арекетлеримизге пек мукъайт олмамыз керек. Бильгениме коре, шимдики заманда да ойле шейлер олып кечмекте. Ве бу ишлер яхшы  дегиль. Кой джамилеринде, буюк шеэрлерге бакъкъанда, пек аз адам къатнаша. Мисаль оларакъ, Акъмесджит, Бахчисарай ве Къарасубазар районларында диндар сойлары пек чокъ, эльхамдулиллях. Лякин анда чешит тюрлю шейлер олып кече. Мына, меселя, Акъ - Мечеть късабасынынъ джамисинде олгъан чиркин вакъианы газетада эпимиз окъудыкъ. Яхшы шей дегиль. Динимизни, даа 1924 йиларында бозулгъан, Халифеликни бир даа тиклеп, Ислям динини, Халифни башлыгъымыз олсун дегенде, не ичюн башлыкъларнынъ джаны сыкъыла. Бойле иш яхшылыкъкъа алып бармаз! Чюнки Ислям - Хакъ диндир. Бутюн китаплар ве пейгъамберлер хакътыр. Ве Аллах о пейгъамберлерге озюн эмирлерини огреткендир. Амма бойсунмагъан къавимлер де олгъан. Бунынъ ичюн де Аллахнынъ джезасыны корьгенлер. Аллаху Тааля базыларыны ельнен ёкъ этти, къуру агъачлар киби джанларыны бердилер, базыларыны сеснен ёкъ этти, базыларыны зельзелернен екъ этты. «Буны корьмейсинъизми?» деген суаль бизлерге Къуранда сорала. Бу шейлерни анълап, Аллахкъа сыгынмакъ, амель этмек керекмиз. Янълышсакъ «Эстагъфируллах» деп къайта-къайта тевбе-истигъфар этмек, туткъан ишимизни «Бисмилляхнен» башламакъ, Аллаху Таалянынъ севгили къулу олмакъ, кене де Халифелигимизни тиклемек керекмиз. Акимиетимиз Ислям олып, Аллахкъа сыгъынып яшасакъ, бизлерге иште шу керек. Мал-мульк  ичюн дегиль. Бу вазифе динимизни котерип, эм бу дуньямызны ве асыл оларакъ келеджек дуньямызнынъ къазанмакъ меселесидир. Эпимизнинъ боюн борджумыздыр. Ич кимсеге хыянетлик ичюн дегиль. Амма бизлерге чешит тюрлю лагъаплар къойдылар, экстремист, радикалист, фундаменталист, террорист дедилер. Санки бир къавга-шамата чыкъармакъ, я да халкъ больмек истегенлерине косьтермек истейлер. Аслында ойле дегильдир. Бу йигитлер ич бир кимсеге ярамайлыкъ истемейлер.

Амма Совет вакътындан башлап ве шимдиге къадар олып кечкен бутюн къыйынчыкълар, сюргюнликлер, агъыр яшайыш ве бутюн башкъа меселелер озюмизнинъ къазангъанымыздыр бу шейлерден Аллах джумлемизни сакъласын. Бирлик-бераберлигимизни къорчаласын. Догъру ёлундан айырмасын. Аминь.


Субетлишкен ибн Али.

Главное меню