Хош кельдиниз Алушта регионынъ биринджи конференциягъа.
Аллаh разы олсун сизден, бизим теклифке къол тутуп къошулганыныз ичюн.
Бу конференцияда башламаздан эввель, Аллаh ризасы ичюн, Аллаhн сёзлеринден башламагъа истийк.
Ве бу ичюн, Алуштада яшагъан дин къардашмыз, Аминов Сейдали Сеид Амин огълуна, Къуран Керимден, Ар-Рахман суресини окъумагъа теклиф этемиз.
Аллаh къабул этсин.

Урметли джемаат! Ярын халкъымызн къырым-татар миллетни, озь топракълардан сургун этильгенине 65йил толаджакъ.
Эльбетте, бу меселе джумлемизни раатсызламакъ керек.
Тарихимизге козь ташласакъ, 1944 сене 18 маисте олгъан вакъиаларн баши, 18джи асырдан башлай. О вакъитте ки, Русия чар акимиети бизим топракларгъа аякъ баскъан сон, къырым-татар халкъына, къара тарих саифелери башланды. Ве бизлерге буну теренден анъламакъ керек.
Биз, Алушта шеэринде яшаип, халкъымызын мушкуль алда олгъанны коремиз. 20 йил кечти бизим мында яшагъанымызга, ве шу кечмиш йиллар ичинде, бизим халкъымыз 18 маис, матем кунюне топлана, митинглер кечирипа, резолюцияларн къабул эте амма бу язылгъан халкънын истеглери кият устюнде язылмыш къала. Яшайиште исе, асыл бир денишиклер дуюлмай.
Йил-йилда халкъымыз, бу вакъияларн корген, эсли башлы шаатларын джоя. Ондан-да гъайр, бизде-де айип вар.
- тарихимизни унутамыз
- медениетимизге диггер миллетлерин медениетины къошамыз
- динимизге эхмиет бермейимыз, эскиден калма фикирлер дие.
Бойле алда девам этсек, миллетимиз гъаип олуп китеджек.
Бу дёнюшлерни козьге алып, «Алушта» Дин джемиети, Аллаh ризасы ичун ниетленди бу тедбирни кечирмеге.

Маис 17, 2009сене, Алушта шеэр.
Аширов Юсуф Сервер огълу
( «Алушта» Дин джемиет реис)