وَعَدَ اللَّهُ الَّذِينَ آمَنُوا مِنكُمْ وَعَمِلُوا

الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ

Бугуньки куньде бизлер, ве умумий шекильде бутюн ислам алеми, бутюн Ислам уммети  мубарек учь айларнынъ биринджи айы, Реджеб айынынъ сонъки куньлерини кечирмектемиз.

Биринджи адисе - бу севгили Пейгъамберимиз Мухаммед Мустафа (с.а.с) эфендимизнинъ Исра ве Мирадж геджесидир.

Пейгъамберимизнинъ заманларында Исра ве  Мирадж геджеси бу Реджеб айынынъ 27-джи геджесинде олгъан эди.

О заманлары Пейгъамберимиз (с.а.с.) этрафында олгъан араб халкъыны Ислам динине давет эттиклери вакъыт, онынъ даветине сесленген инсанлар аз эдилер, аксине чокъусу – мушриклер, Ислам динини къабул этмейип Пейгъамберимизге (с.а.с.) къаршы чыкъа эдилер. Онъа ве онынъ сахабилерине чокъ эзиет кетирер эдилер.

Амма Раббимиз Аллах Тааля севгили Пейгъамбер эфендимизни бу агъыр куньлеринде рухландырмакъ ичюн, оны севиндирмек ичюн геджелернинъ бирисинде Меккедеки Месджидуль харамдан Къудустеки Месджиди Акъсагъа алып барды ве о ерден Иляхий деренликлерге котерди. О ерде Раббимиз Аллах Тааля Мухаммед Пейгъамберимизге, ондан эвель олгъан бир Пейгъамберге косьтермеген сырларыны косьтерди. Пейгъамберимиз озь мубарек козьлеринен Дженнет ве Джехеннемны корьди.

Пейгъамберимиз бу адисесинден сонъ, Исра ве Мирадж сеферинден сонъ къыйынлыкъларгъа  бакъмайып, Ислам динине даветини даа чокъ зияделештирди, Меккеде яшагъан мушриклернинъ эзиетлерине эмиет бермейип, этрафында олгъан къабилелерни Ислам динине давет этмеге башлады, Ислам динини къорчаламакъ ичюн этрафында олгъан къабилелерге ярдым талабыны этти. Бойледже, давет эснасында Мединеде яшагъан халкълар Пейгъамберимизнынъ даветине сеслендилер ве Пейгъамберимизге ярдым этеджклерине, Ислам динини бар кучюнен къорчаладжагына сёз бердилер. Ве Пейгъамберимиз Мединеде, Ислам Девлетини къурду ве мусульманлар имансызларнынъ эзиетлеринден къуртулдылар. Ислам девлети 13 асыр девам этти.

13 асыр девамында, мусульманлар эзиетсиз омюр кечирдилер, юксек бир дереджеде яшадылар. Дюньянынъ буюк бир Девлетке саиб эдилер.

Амма Ислам тарихинде мусульман умметининъ башына бир кунь къара булутлар келип топландылар.

Ислам динине душман олгъан имансызларнынъ пис арекетлеринен, 1924 сене 3-джи март, хиджри йылы эсабына коре 1342 сене реджеб айинынъ 28-джи куню, мусульман уммети, йыллар девамында оларны къорчалагъан, иззет ве шерифине саиб чыкъкъан девлетлеринден, Хиляфеттен мехрум къалдылар.

Хиляфет ёкъ олмасынен, мусульман умметининъ бирлик ве бераберлиги де ёкъ олды.

Хиляфет ёкъ олмасынен мусульманларнынъ малы ве мульку ве аслында бутюн байлыкълары, алчакъ имансызларнынъ эллеринде кечти.

Алемлерге Рахмет оларакъ ёлланылгъан Пейгъамберимиз Мухаммед Мустафа (с.а.с) эфендимизнинъ къургъан Девлетини, имансызлар эллиден зияде юфакъ-юфакъ девлетлерге больдюлер. Ве о девлетлернинъ башына озьлерине келишкен инсанларны къойдылар.

Бугуньки куньде Пейгъамберимизнынъ къабири тура, Мединеде ерлешкен Пейгъамберимизнынъ джамиси (Месджид-ун-небевий) тура, Пейгъамберимизге ёлланылгъан китаб Къуран-и Керим мусульман умметинде бар, амма  Пейгъамберимизнынъ къургъан девлети, Ислам девлети ёкъ.

Бугуньки куньде мусульман умметининъ вазиети, Пейгъамбер эфендимизнынъ Мекке девиринде олгъан вазиетине окъшап къалды.

О заманлары, Пейгъамберимизге  ве онъа иман эткен сахабилерине, имансызлар, мушриклер эзиет эткенлери киби, озь хиянетликлерини мусульманларгъа къаршы алып баргъанлары киби, оларны Ислам дининден къайтармакъ ичюн, къыйнагъанлары киби, ольдюргенлери киби, айны заманда бугунь, имансызлар  мусульман умметине бу хиянетликни япалар.

Бугуньки куньде мусульман умметининъ дурумы, мусульман умметининъ вазиети, анасыз ве бабасыз къалгъан бир етимнинъ, оксюзнинъ дурумына, вазиетине охшамакътадыр.

Откен-кеткен о оксюзни тыртып кетмеси киби, откен-кеткен о етимны инджитып кетмеси киби, оны урып джаныны агъыртмасы киби, бугуньки куньлерде де мусульман умметини откен-кеткен тыртып кетмектедир, оныда бугунь  откен-кеткен инджитып, джаныны агъыртып, урып кетмектелер, ве чокъ ерлерде ольдюрмектелер.

Ве бу вазиетке къалгъан мусульман уммети, Ислам уммети, ярдым беклемектедир, амма мусульманларгъа ярдым элини узатаджакъ ич бир кимсе ёкътыр.

Дюньянынъ эр еринде имансызлар мусульманларгъа къарши чалышмакъталар, мусульманларны инджитмакъталар, амма мусульманларгъа ярдым этеджек ич бир девлет ёкътыр.

Мусульманларгъа ярдым этеджек тек бир девлет бардыр – бу  Хиляфеттир, Ислам девлетидир.

Ве о да, иншаллах, якъын заманларында оладжакъ, имансызлар бунъа не къадар къаршы олсалар да, хиляфет мутлакъ оладжакътыр. Чюнки хиляфет Аллахнынъ ваад эткен бир хаберидир.

Къуран-и Керимде Аллах с.т. бойле буюра:

وَعَدَ اللَّهُ الَّذِينَ آمَنُوا مِنكُمْ وَعَمِلُوا

الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ

Аллах, сизлерден иман этип ве яхши амеллерде олгъанларгъа, озьлеринден эвелькилерини ер узерине  саиб ве хаким эткенлери киби, оларныда ер узерине саиб ве хаким этеджегине сёз берди.

Бу ает-и керимеде Аллах с.т. буны анълата: Ким Аллахкъа иман этип, онынъ къанунларына коре яшаса, эвельки инсанларны ер узерине саиб ве хаким эткенлери киби оларныда ер узерине хаким ве саиб этеджегине ваад эткенини, сёз бергенини анълата.

Ве бу акъкъында Севгили Пейгъамберимизнинъда хадислери бар.

Пейгъамберимиз буюра:

« Аллахнынъ истедиги къадар аранызда Пейгъамберлик девам этеджектир, сонъ исе Аллахнынъ изнинен Пейгъамберлик битеджектир. Пейгъамберликтен сонъ Халифелик деври оладжакътыр, халифеликте Аллах не къадар истесе о къадар девам этеджектир, сонъ Аллахнынъ изнинен халифелик битеджектир, ондан сонъ залым султанлыкъ деври оладжакътир, ода Аллах не къадар истесе о къадар девам этеджектир, сонъ исе Аллахнынъ изнинен ода ёкъ оладжакътыр, ондан сонъ ер узерине диктаторлукъ деври оладжакътыр, ода Аллах не къадар истесе о къадар девам этеджектир, сонъ Аллахнынъ изнинен ода ёкъ оладжакътыр. Ондан сонъ Пейгъамбернинъ ёлу эсасында текрар Рашидий Хиляфет оладжакътыр», - деди ве созюни тохтатты.

Бугуньки куньде эпимиз Раббимиз Аллах с.т.нынъ разылыгъыны къазанмагъа истеймиз. Эр биримиз Аллах бизлерден разы олсун деген бир ниетнен яшаймыз. Эр биримиз Аллахнынъ разылыгъынен дженнет бахчелери ичерисинде олмагъа истеймиз.

Аллахнынъ разылыгъы исе, онынъ бутюн эмирлерини умумий шекиль ерине кетирмекнен олур. Ислам къанунларына коре яшамакънен олур.

Аллахнынъ разылыгъы, Ислам къанунларыны бир парчасыны къабул этипте, къалгъанларыны четлештирмекнен олмаз. Аллахнынъ разылыгъы умумий шекильде бутунь эмирлерини ерине кетирмесинен олур.

Амма бугуньки куньде мусульман уммети Аллахнынъ бутюн эмирлерине коре яшап олмай.

Чюнки Аллахнынъ бутюн эмирлерини ерине кетиреджек умумий шекильде Аллахнынъ къанунларына коре яшатаджакъ девлет ёкътыр, Ислам девлети ёкътыр.

Пейгъамберимиз (с.а.с) эфендимиз бир хадисинде буюра:

«Ким Аллахкъа итаат этмесе, къыямет куню элинде ич бир шейи олмадан Аллахны къаршилаяджакътыр, ким бойнунда халифеге бейаты олмадан ольсе, джахилие олюминен олюр».

Ве ислам алимлери бу акъкъында бойле буюралар;

Имам Газали айттыки: «Ислам иле султан экиси бир олмакъ кереклер, чуньки Ислам бу эсастыр, темельдир, Султан исе къорчалайыджыдыр. Бир шейнинъ эсасы олмаса, бир шейнинъ темели олмаса, о йыкъылыр. Ве бирда бир шейнынъ къоруджысы олмаса о шей къырсызланыр»,- деди.

Даа бир алим Ибин Теймия айттики: Хиляфет фарз сайылгъан амеллернинъ таджыдыр  ( Яни энъ буюгидир).

Аллахнынъ разылыгъыны истесек, мусульман умметини бирлик ичинде корьмеге истесек, несиллеримиз ичюн хайыр истесек, дженнет бахчелери ичинде олмакъ истесек Аллахнынъ эмирлерини там шекильде, умумий шекильде ерине кетиреджек Хиляфетни, Пейгъамберимиз котерген ёлундан, тиклемек ичюн арекетте олайыкъ.

Аллах джумлемизден разы олсун.