Сайгъылы ве урметли мусульманлар!!!

Аллах ст. инсаниетни бу дуньягъа яратты ве оны озь башына къалдырмады.

Аллаху Тааля инсаниетке Къурани Керимни индирди.

Бутюн  инсаниетке догъру ёлуны косьтерген Къурани Керимде Раббимиз бойле буюра:

Эй иман эткенлер, сизден эвелъкилерге ораза тутмакъ фарз олундугъу киби сизлергеде ораза тутмакъ фарздыр. Белъким сизлер Аллахтан къоркъарсыныз деп буюрды.

Рамазан айы аддий бир ай дегильдир, Рамазан айы он бир айнынъ султаныдыр.

Рамазан айынынъ эмиети пек буюктир,бу ай Аллах с.т.тарафындан бизлерге берильген буюк бир  бахшыштыр.
 Ве онынъ къадырыны ве урьметини джоймамакъ керекмиз.

Рамазан айы бу бизим ичюн, Аллахнынъ бир мусафиридир. Бизлер оны бир йыл девамында беклеймиз, оны къаршылап аламыз, бир ай онынънен берабер олмакътамыз, бир ай девамында онынънен берабер яшамакътамыз.

Пейгъамберимиз с.а.с. бир хадиси шерифлеринде бойле буюрды:. Ким Аллахкъа ве ахирет кунюне инанса озь мусафирлерине буюк бир икрамда олсун, (яни озь мусафирине буюк бир урьмет бильдирсин),деп буюрмакъта.

Амма Рамазан айы келе ве мусульман уммети бу  айны, бу он бир айнынъ султаныны, Аллахнынъ мусафирыны гузель бир шекилде къаршылап олмайлар. Аранызда бир суаль догъула билир; насыл мусульман уммети Рамазан айны гузель бир шекильде къаршылап олмайлар? Деген бир суаль ола билир. Сайгъылы ве урьметли мусльманлар.

Меселе шундаки, бугуньки куньде мусульман умметинин бирликсизлиги Рамазан айына пек ярамай тесир эте.

Бугуньки куньде мусульман уммети бирлик ве бераберлик олмагъаны себебинден Рамазан айына кереги шекильде урьмет бильдирип оламаймыз.

Шимдики заманда мусульман уммети бирлик ве бераберлик ичинде олмагъаны себебинден, Аллахнынъ мусафирины, Рамазан айыны гузель бир шекильде къаршылап оламаймыз.

Бугуньки куньде мусльман умети бирлик ве бераберлик ичинде олмадыгъы себебинден, базы бир мусльманлар Рамазан айыны бир кунь эвель къаршылайлар, базылары вакътында, дигерлери исе бир кунь сонъ къаршылайлар.

Араларында олгъан феркъ бунда ки, базы мусульманлар, рамазан айынынъ башланувыны расчетларгъа коре подсчетларгъа коре чыкъармакъталар, дигерлери исе Рамазан айынынъ башланувыны Рамазан айынынъ корюльмесини эсас алалар.

Бойле вакъытта буларнынъ къайсы бири догъру япа?деген суаль пейда ола.

Инсаниетнинъ эр бир меселелерини чезген ве эр бир суаллерине джеваб берген Ислам динимиз, бу меселениде четте къалдырмады, Рамазан айынынъ насыл къаршыламакъ керек олгъаныны бильдирди ве огретти.

Пейгъамберимиз с.а.с. эфендимиз бир хадиси шерифлеринде бойле буюра: Яъны ай пейда олгъанынен ораза тутмагъа башланъыз, ве кене янъы ай чыкъкъанынен ораза тутмакъны токътатынъы, эгерЯнъы ай корюнъмесе айны отузгъа тамамланъыз. деп буюрды. Яни Шабан айынынъ 29-джи куню геджеси янъы ай догъушуны бекленмеси керек, Яны ай корюнсе Рамазан айы башлангъаны белли ола, амма янъы айнынъ догъулгъаны корюнмесе, Шабан айыны 30-гъа тамалап эртеси куню ораза тутмагъа башламакъ керек... Рамазан айынынъ 29-джи куню геджесиде янъы айнынъ догъулмасыны бекленмеси керек, янъы ай корюнмесе Рамазан айыны 30-гъа тамамламакъ керек...

Иште бу динимизнинъ чызгъан бир чызыгъыдыр. Бу Аллахнынь эмри ве Пейгъамберимизнынъ суннетидир. Пейгъамберимиз Рамазан айынынъ келеджегини ве башланаджагъыны сайынъыз ве эсапланъыз демеди, Янъы ай корьгенинъзнен ораза тутмакъны буюрды.

Ве мында даа бир фикирни айтмакъ керек ки, мусульман умети бирлик ве бераберлик олмагъандже, мусульман уммети буюк бир ислам девлети ичерисинде яшамагъандже,мусульман уммети Аллахнынъ эмирлерине коре ве Пейгъамберимизнинъ суннетине коре иш алып бармагъандже, фитне фесад девам этеджектир ве мусульманларнынъ алы бойле оладжакътыр.

Имам Мустафа-эфенди, Акъмесджид