Мубарек Къурбан байрамыны
Бутюн дюнья мусульманлары къаршылады!
Бизим де халкъымыз арткъа къалмастан,
"Айше" ресторанда топлашкъан.
Анда бедава татлы шейчиклер оладжакъ,
Яхшы китаплар даркъатыладжакъ,
Къурбан байрамнынъ тарихы икяе этиледжек...
Эсасен, бизим къырымтатар тилимизде лаф юрьсетиледжек!
Озь козьлерини юмып,
Душманларнынъ ялан фикирлерини дуймайып,
Халкъымыздан базылары байрамгъа кеттилер,
"Айше" ресторангъа яваш-яваш еттилер.
Анда шенъ-шераметлик,
Софраларда боллыкъ,
Татлы тилимиз янгъырай,
Кельген татарларнынъ юреги ойнай.
Не исе, байрам башланды.
Алып барыджысы кельгенлерни байрамнен хайырлады.
Хайырлавлар сёзлеринден сонъ Ибрахим пейгъамберимизнинъ яшайышы,
Эсасен,байрамнынъ тарихы айтылды.
Балалыкътан эпимиз билемиз биз буны:
Ибрахим пейгъамберимиз озь севимли баласыны
Аллаhкъа къурбан этмек керек меджбур олды,
Берген сёзюни ерине кетирмек керек эди.
Эбет, бу диний икяе бутюн мусульманларгъа якъын келе,
Чюнки пейгъамберимизнинъ тарихы Мукъаддес Къуранда берильмекте.
Бунъы душманлар эсапкъа алып,
Мусульман халкъымыз арамызгъа
Озь чурюк фикирлерини киргиздирип,
Бизни чевирелер христианларгъа!
Бу мерасимде чокъ даулар окъулды,
Тап халкъымызнынъ козьлери яшланды!
Амма халкъымыз терен джаилликке далып, корьмедилер
Дуалар исе Къурандан дегиль де, Инджильден, Торудан, Зебурдан эдилер.
Бонынъ иле байрам девамлаша.
Чокъ паалы (гузель) китаплар даркъалана
"Къырымтатар тилимизде де китаплар!
Алайыкъ! Окъусынлар келип олмагъанлар!
Биз бильмек керекмиз чокъ,
Бунъа шимди ич бир маниа ёкъ!"
Бу фикирлернен кельгенлер бедава китаплар алалар,
Ве тез-тез озь чанталаргъа къоялар.
Байрамнынъ сонъуна исе
"Келинъ, дуа этейик, бизим Раббимизге Иисуске!"
Халкъымызынъ козьлери беш капик ола.
"Я, бизим Раббимиз Аллаh Тааля да!"
Халкъымыз шашкъанлыкътан: "Не япайыкъ?
Мында кельген сонъ, маскъара олмайыкъ, дуа этейик!
Биз татармыз, озь ана тилимизде дуа этсек,
Аллаhымыз бизни багъышлар.
Тилимиз татлы, юксек".
Бу янълыш фикирлерини эшитип, къуваналар Йоговлар.
Биз тилимиз дие алданамыз,
Сонъ олгъан шейлерге озьлеримиз шашамыз.
Эй, халкъым, санъа аселет язам,
Санъа джан-юректен янам...
Душман ёлунен юрме,
Аллаh ёлунен тырышынъ юрмеге.
Ялварам, халкъым, козьлерини ач!
Кёр мышыкъ баласы киби олма!
Яман ниетлерден тез кач!
Бахтсыз инсан киби олма!
Динимизнинъ темелини анъласанъ,
Сенъ бахтлы олурсынъ,
Аллаhымызнынъ къанунларнен яшасанъ,
Ислям нурынен толурсынъ.
Аллаhтан ич къачма,
Онъа къальбини ач!
Дигер диньлерге бакъма,
Душманлардан къач!
Аминь.
Умм Салахуддин