Уфачыкъ бир койчикте,
Къарт битай яшай.
Эвчиги де четчикте,
Амма джамиге эр кунь къатнай!

Башына кийип марамасыны,

Элине ала Къуран.

Беш кере окъуй намазыны,

Чюнки къальбинде бар Иман!

Торунларгъа эр дакъкъа насихат бере,

Балаларым, Аллаhкъа эманет олунъ!

Намазларны окъумакъ керек!

Аллаhкъа севгинен толунъ!

Амма торунларнынъ джеваплары бир...

«Къартана, сенинъ яшына кельсек, япарыкъ...

Биз билемиз Аллаhымыз бир,

Шимдилик бу етер, намазсыз да яшарыкъ!»

Вакъыт исе яваш-яваш кете,

Къартана эп къартая...

Яшайыш эп айлана...

Торунларыны Аллаhнынъ мукъадери ете...

Буюги вере джаныны Аллаhкъа.

«Ах, меним, джанчыгъым!-

Агълап айта къартана.

Сёзлеримни эшитмединъ,балачыгъым,

Энди санъа юрегим яна.

Яш олуп, бу яман дюньядан кеттинъ

Аллаhкъа ибадетсиз вефат эттинъ.

Санъа Аллаhберди омюр

Догъру ёлунен кетмеге.

Ёлда, эльбетте, маниалар олур,

Амма яшайышымыз бизге имтиан иле берильмекте...

Бунъы сен анъламадынъ,

Сёзлеримни эшитмедин,

Энди исе беяз кафан ичинде ятасынъ

Омюр ойле къыскъа, энди не япарсынъ?»

Экинджи торуны исе, кадясына бакъып окюр-окюр агълай.

«Балачыгъым, агъламакътан файда ёкъ,

Энди намазларыны, дуаларыны окъумакъ керек чокъ».

Шимди тек сёзлернинъ темелини торуны анълай...

Вакъыт исе адым-адым кете,

Торуны энди намазны къалдырмай,

Аллаhкъа севгиси исе кокке ете.

Торуна бакъып, къувана къартанай...

Уфачыкъ бир койчикте,

Бир къарт битайнынъ омюри девам эте.

Аллаhонъа узакъ омюр берсинъ

Насихатларыны бутюн дюнья адамлары эшитсинъ!!!

Эльвира Джеппарова