"Бизим Къырым ойле эди
Ватанымыз бойле эди."-
Бабам бизге макътай эди.
Асретликте яшай эди.
Яшайышны эслей эди
Халкъ бирлигини айта эди
"Акупантлар-кяфирлер"-деп
Пек чокъ окуне эди.
Мына кельдик Къырымгъа
Бабамнынъ топрагъына…
Неге огърады халкъым?
Кимге бенъзеди халкъым?
Динни къорчалап кельди
Амма, келип о джойды.
Харам кяфирге уйды,
Бутюн харамгъа далды:
Иши харам, ашы харам.
Харам кийген урбасы.
Юрген ёлу о да харам:-
Будыр онынъ дуньясы.
Эй, мусульман, котер башынъ
Бизден кяфир къоркъмакъта!
Онынъ чюн фикиримизни
О даима бозмакъта.
Демократик ёлуна
Бизлерни о къоймакъта
Мусульманнынъ байлыгъыны
Урып-йыкъып алмакъта.
Апайларны союндырды
Акъайларны ичиртти.
Буюк Ислям девлетини
О бутюнлей йыкътырды.
Пейгъамбернинъ суннетинден ве Аллахнынъ сезюнден
О бизлерни айырды,
Харам олгъан елуна
О бизлерни уйдырды.
Къана бизни къорчалайджакъ
Джесюр олгъан акъайлар?
Къана балаларынъызны
Тербиелейджек къадынлар?
Базарларда,къурулышта,
Я чет мемлекетлерде
Гедже-кундюз чалыша
Бизим къырым къадынлар
Диванларда, кафелерде,
Я да бир марушкеде
Гедже – кундюз кейфлене
Бизим къырым акъайлар.
Куньлер кече, йыллар кече…,
Яшайыш девам эте…
Бу батакътан чыкъмакъ ичюн,
Тюшюнмек керек бизге!
Къалды Ислам дуйгъусы
Бизге диний эдждатлардан.
Келеяткъан несилимизде
Олур ми экен иман?!
Не япмалы? Бу суальге,
Эр ким джевап бермели!
Кене ИСЛЯМ динимизге
Бизге къайтып кельмели!
Эминегуль Ниметуллаева